२ फाल्गुन
बर्षौ देखि अलपत्र अवस्थामा रहेको लाल बकैयाको पुल निर्माणको कार्य बढाउन मांग राख्दै आमरण अनसन बसेका छन ।
पुल निर्माणको जिम्मा लिएका निर्माण कम्पनीले समयमा पुल निर्माण नगरी अलपत्र अवस्थामा छोडेकोले शीघ्र निर्माण कार्य सुचारु गराउन मांग गर्दै गौर नगरपालिका वड़ा नम्बर ४ निवासी संजय कुमार सहनी सोमबार राति देखि नै आमरण अनसन बसेका हुन ।
नेपाल पत्रकार महासंघ रौतहट शाखाका सह सचिव समेत रहेका सहनीले २०७१ साल आषाढ़ २४ गतेमा समझौता भएको लालबकैया पुलको निर्माण काम अहिले सम्म अधुरो रहेको र सरकारले पनि कार्य नगर्ने ठेकेदार निर्माण कम्पनी मेथी कार्यवाही नगरेकोले बाध्य भएर अनसन बसेको बताएका छन ।
गौर देखि औरैया जाने बाटोको विचमा पर्ने टिकुलिया घाटमा पुल नबन्दा सर्व साधारण जनतालाई आवत जावत गर्नमा ठूलो समस्या उत्पन्न भैरहेकोले पुलको निर्माण कार्य यथा शीघ्र अगाडी बढाउन दवाव सृजना गर्ने उदेश्यले सहनी ले आमरण अनसन थालेको हो ।
तत्कालीन प्रधानमंत्री शुशील कोइरालाले शिलान्यास गरेका पुलको निर्माण गर्नका लागि पप्पू कंस्ट्रकशनले २०७१ ÷३÷२४ मा १७ करोड़ ९ लाख ६७ हजार ६८० रुपैया ९० पैसामा २०७४÷३÷२४ निर्माण कार्य संपन्न गर्ने गरिथेकका साकार गरेका थिए ।
सकार गरेको समयमा निर्माण कार्य संपन्न नगरेको कारन २०७७ सालमा बाढि़ आएको बेला डूंगा दुर्घटना हुडा ४ जनाको ज्यान गएकोले निर्माण कम्पनी माथि कार्यवाही गरी संचालकको सम्पति समेत छानविन गरिनु पर्ने मांग समेत गरेको छ ।
सहनीले भने सरकारलाइ पुल निर्माण गर्न नेपाली नागरिको ज्यान चाहियो भने ज्यान दिन पनि त्यार रहेको छू । पटक पटक सरकारले तथा सम्वन्धित निकायले आश्वासन दीदा पनि गौर र ईशनाथ नगरपालिकाका जनताले पुल पाऊंन सकेका छैन ।
समयमा निर्माण कार्य गर्न भन्दा भन्दै निर्माण कार्य सम्पन नगरेको पप्पू कंस्ट्रकशनले पाएको अंतिम म्याद २०७७÷९÷१४ सम्ममा काम गर्न नसकेकोले ठेक्का रद गरिएको छ ठेक्का रद भए पनि सम्वन्धित निकायले अहिले सम्म नया ठेक्का किन गर्न नसकेको भनी सहनी ले प्रश्न गरेका छन ।
रौतहटबाट प्रतिनिधित्व गर्ने राजनितिक दलका नेताहरुले पनि पुल निर्माणको सम्बन्धमा चासो नदेखाएको आरोप लगाउदै पत्रकार सहनीले ठोस निर्णय नभए सम्म आमरण अनसन जारी राख्ने अड़ान राखेका छन । उनले स्थानीय सरकार , प्रदेश सरकार र संघीय सरकारका आधिकारिक व्यक्तिले लिखित रुपमा प्रतिवद्धता जनाउनु पर्ने बताए ।
सड़क डिभिजन कार्यालय चन्द्रनिगाहपुरका प्रमुख दरोगा साहले रौतहटमा रुग्ण आयोजनाको रुपमा रहेका तीन वटा पुलको ठेक्का रद गरिएको जानकारी दिएका छन ।
ठेक्का रद भएको पुलमा लालबकैया नदी टिकुलिया घाट , झाझ नदी सरुअठा र चांदी खोलाको पुल हजारिया बिश्रामपुर रहेको छ ।
पप्पू कंस्ट्रकशनले अदालतमा पटक पटक मुद्दा दिएको कारन नया ठेक्का हुन नसकेको बताउँदै प्रमुख साह ले पुन लागत स्टीमेटको प्रक्रिया अगाडी बढ़ी सकेकोले फाल्गुन मसान्त भित्र नया ठेक्का हुने आश्वासन दिएका छन ।
