रौतहट २५ बैशाख
रौतहट जिल्लाको विभिन्न ठाउबाट प्रहरीले चेकजाच गरि ४३ वटा अक्सिजनको सिलिन्डर बरामद गरेको छ १ कोरोना भाइरसको संक्रमित लाइ आक्सिजनको आवश्यकता परिरहेको बेला स्टक गरि राखेको अवस्थामा प्रहरीले गौर , गरुडा र चन्द्रनिगाहपुरबाट उक्त अक्सिजनको सिलिन्डर फेला परेको हो ।
स्वास्थ्य सेवा बाहेक अन्य प्रयोजनको लागि राखिएको अक्सिजन ७ किलो भएको सिलिन्डर २८ वटा , डेढ किलो अक्सिजन भएको सिलिन्डर ३ वटा र ७ किलो वजन भएको खाली सिलिन्डर १२ वटा गरि ४३ वटा सिलिन्डर बरामद गरिएको जिल्ला प्रहरी कार्यालयका प्रहरी उपरीक्षक शिद्धि विक्रम शाहले जानकारी दिएका छन ।
७ स्थानबाट बरामद गरिएको अक्सिजनको सिलिन्डर स्वास्थ्य प्रयोजनको लागि प्रयोग गर्ने तथा स्टक गरि राखेका व्यक्ति माथि आवश्यक अनुसन्धान भै रहेको प्रहरीले जनाएको छ ।
