रौतहट २४ बैशाख
रौतहट जिल्लामा निर्वाचन अचार सहिंताको व्यापक उलंघन भै रहेको देखिएको छ ।
निर्वाचनमा आफ्नो पक्षमा मतदाताहरुलाई ल्याउने उदेश्यले राजदेवी नगरपालिकाका पुर्व मेयर धिरेन्द्र कुमार सिंह ले वडा नम्बर २ हजमिनियामा हैंड पाइप जडान गरि रहदा निर्वाचार अचार सहिंता अनुगमन समितिले कुनै कार्यवाही नगरी मौन बसेका छन् ।
सदरमुकाम गौरमा मुख्य तथा सहायक सडकहरुमा लगाइएको झण्डा , पोस्टर , बैनर सुरक्षाकर्मीहरुले हटाए पनि रौतहटको कटहरियामा सवै पार्टीको व्यापक झण्डा बाटो भरि झुण्डिएको देखिएको छ ।
नेकपा एमाले , नेकपा माओवादी केन्द्र , नेपाली कांग्रेस , जनमत पार्टीको चुनाव चिन्ह अंकित झन्डा बाटो भरि रखिएको भएपनि नेपाल प्रहरीले हटाउन सकेको छैन ।
निर्वाचन आचारसहिंताले चुनाव चिन्ह अंकित टि शर्ट , गम्छा , टोपी ,व्याच ,प्रयोग गर्न नपाइने भने पनि रौतहटमा राजनीतिक दलका उम्मेदवारहरुले व्यापक रुपमा त्यसको प्रयोग गरि रहेको देखिएको छ ।
चुनाव नजिकदै जादा उम्मेदवारहरुले मतदाताहरुलाई भोज भतेर गर्न शुरु समेत गरि सकेको छ । जिल्ला निर्वाचन कार्यालय रौतहटका प्रमुख छोटेलाल दासलाइ सम्पर्क गर्दा जुन स्थानीय तहमा अचार सहिंता उलंघनको घटना भैरहेको छ त्यसको बारेमा स्थानीय निर्वाचन अधिकृतलाइ जानकारी गराउन जवाव दिएका छन् ।
