रौतहट ८ बैशाख ।
रौतहट जिल्लाको ईशनाथ नगरपालिकाका नगर प्रमुख सन्तोष मेहताले सो नगरपालिकाको वडा नम्बर ३ औरैयामा मन्दिरको उद्धघाटन गरेका छन् । ईशनाथ नगरपालिकाको नगर स्तरीय योजना अन्र्तगत नगरपालिकाबाट १३ लाख को लागतमा निर्माण भएको सो मन्दिरको आज एक औपचारीक कार्यक्रम बिच विधिवत उद्धघाटन सम्पन्न भएको नगर प्रमुख मेहताले जानकारी दिएका छन् । नगर क्षेत्र भित्र भौतिक विकास संग संगै धार्मिक तथा सांस्कृतिक विकास पनि आवश्यक रहेकोले नगरबासीको चाहना अनुसार सो मन्दिर निर्माण गरिएको मेहताले बताए । मेहताले धार्मिक पर्यटन विकास गर्न यस क्षेत्रका स्थानियको ठुलो भुमिका रहेको उल्लेख गर्दै सांस्कृतिक संरचनाहरुको दिगो संरक्षणमा जुट्न स्थानियवासीलाई आग्रह समेत गरे । नगर प्रमुख मेहताले पछिल्लो समय नेपालमा धार्मिक आस्था र चेतनाको विकास हुदै गएकाले धर्मकर्मले मानिसमा शान्तिको भावना उत्पन्न हुने र विश्व शान्ति ल्याउने विश्वास व्यक्त गरेका छन् । कार्यक्रममा सो वडा अध्यक्ष रामकैलाश राउत, रामबाबु राय यादव तथा स्थानियको उपस्थिती रहेको थियो
